Қазіргі кезде оқу үлгерімі төмен 500 мыңға жуық бала бар. Көш ілгері дамыған сайын қойылатын талаптар да күшейе түсуде. Көптеген жаңа технологиялар, техникалар, жаңа инновациялық әдіс-тәсілдер бәрі де пайда болып, қазіргі күнде ұстаздың жан-жақты жұмыс жасауына негіз болатын құралға айналып отыр. Мектеп өміріндегі педагогтардың, әсіресе жас мамандардың негізгі қиындық тудыратын мәселесі - бұл үлгерімі төмен оқушылармен жұмыс. Нашар оқудың алдын алу үшін, артта қалу мен үлгерімнің төмендеуінің себептерін анықтау керек және мектептерде кәсіби бағдар беру жұмысы жүріп жатыр, бірақ кең көлемде емес. Оқушының оқу үлгерімі мұғалімге тікелей байланысты, осыған орай мектебіміздің директоры С. Б. Халмурзаева Республикалық Edukey білім беру орталығы тегін 9-11 сынып оқушыларына мамандық таңдауы, яғни оқушылар өзінің табиғатына сай мамандықты анықтау үшін, ал 4-6 сынып оқушыларының білім сапасын, оқу үлгерімін көтеру және жан-жақты технологиялармен дамыту бойынша іс-шаралар жүргізу мақсатында келісім шартқа отырып жұмыс жүргізіліп жатыр. Осыған орай, іс-шараны ұйымдастыру үшін Республикалық Edukey білім беру орталығының қолдауымен 4-6-сынып оқушыларынан білім деңгейін анықтау тесті алынды. Алдағы уақытта шәкірттеріміздің үлгерімі жоғарылайды, сонымен қатар өздерінің қалаған мамандықтарын дұрыс таңдауына үлесін қосады деп сенеміз. Және сол мақсатта қарқынды жұмыс жасаймыз!!!
