16.11.2023 жылы Түркістан облысы Шардара ауданының білім бөліміне қарасты М.Горький атындағы жалпы білім беретін мектебінде № 229-01/02-17/2735 сандық хатына сәйкес "Отбасындағы құндылықтарды нығайту" тақырыбында мектебіміздің білім алушылары "Отбасы бақыт мекені" тақырыбын ала отырып отбасы жайында бейне роликтер жариялады. Мақсаты ата-аналарды педагогикалық қолдау және отбасылық құндылықтарды кеңінен насихаттау бағытында өткізілді. Отбасының ең маңызды қызметтерінің бірі - тәрбиелеушілік міндеті, оны қоғамдық тәрбиенің ең тиімді деген жүйесі де алмастыра алмайды. Оның негізгісі әлеуметтік мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, яғни балаларға өздерін қоршаған ортаға және қоғамға пайдалы азамат етіп тәрбиелеу ата-ананың ең маңызды міндеті. Заманға сай отбасында бала тәрбиелеу аса үлкен жауапкершілік пен білімді талап етеді. Отбасы - сыйластық, жарастық орнаған орта. Өнегелі ұрпақ тәрбиелеу әр ата-ананың арманы және борышы екені даусыз. Әрқашан отбасымыз аман, босағамыз берік болғай.